उद्योग वाणिज्य महासंघको पर्यटन तथा हवाई उडड्यन समिति विस्तार नया गन्तब्य विस्तारमा अध्यक्ष गोल्छाको जोड
ट्राभल बिज न्यूज —-
नेपाल उद्योग वाणिज्य महासंघका अध्यक्ष शेखर गोल्छाले देशमा रहेको पर्यटन सम्भाव्यताको सही अर्थमा बजारीकरण गर्न सकेमा धेरै लाभ उठाउन सकिने बताउनु भएको छ /
नेपाल उद्योग वाणिज्य महासंघको पर्यटन तथा हवाई उड्डयन समिति विस्तार कार्यक्रममा महासंघका अध्यक्ष गोल्छाले हामीले प्रारम्भदेखि नै गुणस्तरीय पर्यटक भित्रयाउने भन्दा पनि संख्यात्मक रुपमा धेरै पर्यटक भित्रयाउन ध्यान दिंदा यसबाट लाभ उठाउन नसकेको यथार्थता राख्नुहुंदै अवको ध्यान सशक्त बजारीकरणकासाथ गुणस्तरीय पर्यटक भित्रयाउनेतर्फ हुनुपर्ने र यसमा महासंघको पर्यटन तथा हवाई उड्डयन समितिले विशेष भूमिका निर्वाह गर्नुपर्ने सुझाव दिनु भयो ।
“नेपालमा अथाह सम्भाव्यता छ, हाम्रा प्रोडक्टहरू पनि पर्याप्त छन् तर हामी त्रिकोणीय क्षेत्र (पोखरा–काठमाडौं–चितवन) भित्रै हरायौं अव हामीले नयां नयां गन्तव्यहरुलाई प्रचार प्रसार गर्नुपर्छ अनिमात्र लाभ उठाउन सक्छौं ,” गोल्छाले भन्नु भयो ।
नेपाल उद्योग वाणिज्य महासंघको कार्यकारिणी समितिका सदस्य ज्योत्सना श्रेष्ठको सभापतित्वमा गठित पर्यटन तथा हवाई उड्डयन समिति विस्तार भएको छ । समितिका सह–सभापतिमा नाटाका अध्यक्ष अच्युत गुरागाईं, नेपाल टुरिजम वोर्डकी निर्देशक नन्दिनी लाहे थापा र टानका अध्यक्ष खुमबहादुर सुवेदी चुनिनु भएको छ ।
समितिका सदस्यहरूमा महासंघको कार्यकारिणी समितिका सदस्य पुष्पराज कुंवर, नेपाल वायूसेवा निगमका निर्देशक जनकराज कालाखेती, आइएमई ट्राभलसका प्रमुख कार्यकारी अधिकृत रुद्र प्रसाद सापकोटा (बिनोद), र्याडीशन होटलका महाप्रवन्धक अनिलदास श्रेष्ठ र पाटाका अध्यक्ष विभुती चन्द ठाकूर हुनुहुन्छ । समितिका सल्लाहकारहरुमा उपल मजुमदार र महासंघको कार्यकारिणी समितिका पूर्व सदस्य रामशरण थपलिया हुनुहुन्छ ।
त्यस्तै समितिमा आमन्त्रित सदस्यहरुमा मेरियट होटलका निर्देशक गौरव अग्रवाल, कतार एयर लाइन्सका देशिय निर्देशक मोहमद इमाम , यति एयरलाइन्सका प्रमुख कार्यकारी अधिकृत अनोज रिमाल, डोल्पा उद्योग वाणिज्य संघका कार्यकारिणी सदस्य जितेन्द्र झांक्री, होटल स्नेहाका महाप्रवन्धक देवांश राणा, होटल व्यवसायी महासंघका निवर्तमान अध्यक्ष अम्रित भुजेल, ललितपुर उद्योग वाणिज्य संघका कार्यकारिणी सदस्य अपुलाल अवाले, वुद्ध रिजेन्सी प्रा.लि.का प्रवन्ध निर्देशक नरेन्द्र गुप्ता, अर्जुन ज्वेलरीका मोहन शाह, जुम्ला उद्योग वाणिज्य संघका वरिष्ठ उपाध्यक्ष पुरीचन्द्र देवकोटा, होटल मेची क्राउनका साम्राज्यमान श्रेष्ठ, होटल एसोसिएसन नेपालका प्रथम उपाध्यक्ष विनायक शाह, अलफ्ट ठमेलका निर्देशक निश्चल प्रधान, कुरियर सर्भिस एसोसिएनका उपाध्यक्ष दूर्गा प्रसाद सुवेदी र होटल इस्टर्नका भवेश श्रेष्ठ हुनुहुन्छ ।
समिति विस्तार कार्यक्रममा महासंघका वरिष्ठ उपाध्यक्ष चन्द्र प्रसाद ढकालले कोभिडले धरासायी भएको पर्यटन क्षेत्रलाई पुनर्जीवन दिन समितिबाट महत्वपूर्ण पहल हुने र त्यसमा पूर्ण सहयोग रहने विश्वास दिलाउनु भयो भने महासंघका उपाध्यक्ष दिनेश श्रेष्ठले आन्तरिक पर्यटन प्रवद्र्धन गर्न महासंघका सवै सदस्यहरुलाई विशेष छुट दिने स्किम होटल, रिसोर्ट, लजहरुले ल्याउनु पर्ने सुझाव दिनु भयो ।
यसैबीच सभापति श्रेष्ठको अध्यक्षतामा वसेको समितिको पहिलो बैठकले समितिको कामलाई परिणाममुखी बनाउन विमानस्थलहरुको सही व्यवस्थापन तथा संचालन, प्रदेशमा पर्यटन विकास , तालीम तथा सिकाई र गन्तव्य नेपाल प्रवद्र्धन तथा बजारीकरण क्षेत्रहरु छुट्टयाई उपसमिति गठन गरी कार्य गर्ने निर्णय गरेको छ ।
माघ १६ , २०७७
तस्विर : नेपाल उद्योग वाणिज्य महासंघको पर्यटन तथा हवाई उड्डयन समिति /
